तेह्रथुममा बृहत् साहित्यिक कार्यक्रम

२०७६ जेठ १४ गते, नेपाल प्रज्ञा–प्रतिष्ठानसँगको सहकार्यमा तेह्रथुम सरोकार समाजले तेह्रथुमको म्याङलुङमा बृहत् साहित्यिक कार्यक्रम आयोजना गरेको छ । नेपाल प्रज्ञा–प्रतिष्ठानका कुलपति गङ्गाप्रसाद उप्रेतीको प्रमुख आतिथ्यमा सम्पन्न उक्त कार्यक्रममा प्रज्ञा–प्रतिष्ठानका काव्य विभाग प्रमुख प्राज्ञ प्रा.डा. हेमनाथ पौडेल, प्रदेशसभा सांसद लक्ष्मण तिवारी, पूर्व मन्त्री तुलसी सुब्बा, जिल्ला समन्वय समिति तेह्रथुममा अध्यक्ष, नगर प्रमुख, प्रमुख जिल्ला अधिकारी, जिल्लास्थित कार्यालयका प्रमुखको आतिथ्य रहेको थियो ।
कार्यक्रममा कुलपति उप्रेतीले तेह्रथुम जिल्लाको ऐतिहाकिसता र साहित्यिक योगदानका बारेमा उल्लेख गर्नुभएको थियो । प्राज्ञ प्रा.डा. पौडेलले कार्यक्रममा वाचित रचनाका साथै समकालीन नेपाली कविता र निबन्धका बारेमा मन्तव्य व्यक्त गर्नुभएको थियो ।
समाजका अध्यक्ष मोहन डाँगीको सभापतित्वमा सम्पन्न भएको कार्यक्रममा स्रष्टाहरू रविमान लम्जेल, गोपाल सङ्ग्रौला, राजेन्द्र सङ्ग्रौला, अनिरुद्र तिम्सिनासहित ६ जनालाई  लगायत सम्मान गरिएको थियो ।
उक्त अवसरमा आयोजित जिल्लाव्यापी विद्यालयस्तरीय कविता तथा खुल्ला निबन्ध प्रतियोगिताका विजेताहरूलाई प्रमुख अतिथि कुलपति उप्रेती पुरस्कार र प्रमाणपत्र प्रदान गर्नुभएको थियो ।